Hildur Antonsdóttir var í byrjunarliðinu hjá Madrid sem lagði Alhama að velli í efstu deild spænska boltans í dag.
Hildur lék fyrstu 70 mínúturnar í sigrinum. Hún lék í varnarlínunni og var staðan 0-3 fyrir Madrid þegar henni var skipt útaf. Lokatölur urðu 1-4.
Madrid er í sjötta sæti spænsku deildarinnar með 17 stig eftir 11 umferðir.
FC Kaupmannahöfn lagði þá Álaborg að velli í næstefstu deild í Danmörku. Sunneva Hrönn Sigurvinsdóttir bar fyrirliðaband FCK í sigrinum.
Kaupmannahöfn vann 0-2 og er í öðru sæti eftir sigurinn, með 32 stig úr 13 umferðum - tveimur stigum á eftir toppliði ASA Aarhus.
Alhama 1 - 4 Madrid
Aalborg 0 - 2 Kobenhavn
Athugasemdir
