Brenden Aaronson í leik með Salzburg
Austurríska félagið RB Salzburg hafnaði tilboði Leeds United í bandaríska landsliðsmanninn Brenden Aaronson. Athletic greinir frá þessu í dag.
Aaronson er 21 árs gamall miðjumaður en hann kom til Salzburg í byrjun síðasta árs frá Philadelphia.
Hann er talinn eitt mesta efni bandaríska landsliðsins og hefur vakið mikla athygli fyrir frammistöðu sína í Austurríki.
Aaronson er með sjö stoðsendingar og þrjú mörk í öllum keppnum með Salzburg á þessari leiktíð.
Athletic segir frá því í dag að Leeds United hafi lagt fram 15 milljón punda tilboð í Aaronson en Salzburg hafnaði því. Leeds mun halda viðræðum áfram á næstu dögum.
RB Leipzig og Milan hafa einnig áhuga á Aaronson sem er með fimm mörk í fimmtán landsleikjum fyrir Bandaríkin.
Athugasemdir
