„Þetta var mjög mikilvægur sigur. Leikirnir verða ekki meira sex stiga leikir en þetta," sagði Albert Brynjar Ingason, sóknarmaður Fylkis, sem skoraði tvö mörk í 4-1 sigri gegn Þór í kvöld.
Lestu um leikinn: Fylkir 4 - 1 Þór
„Ég er mjög ánægður með okkar leik fyrir utan smá kafla í fyrri hálfleik. Þeir skoruðu mark á hættulegum tíma. Það var glampasól í Árbænum en þeir sáu hana ekki í seinni hálfleik."
„Oddur hefði ekki verið á lífi í dag ef hann hefði ekki skorað þarna, ég var einn fyrir innan," sagði Albert um markið sem Oddur Ingi Björnsson skoraði og kom Fylki í 3-1.
Finnur Ólafsson var frábær á miðjunni í kvöld en fleiri í Fylkisliðinu áttu góðan leik.
„Finnur var mjög góður og yfirvegaður. Það er frábært að fá hann og hann verður betri með hverjum leiknum eftir meiðslin. Svo var Gunnar Örn fáránlega góður. Mér fannst allt liðið standa sig vel í dag."
Viðtalið má sjá í heild í sjónvarpinu hér að ofan.
Athugasemdir
