Maksimir leikvangurinn er vettvangur úrslitaleiks Króatíu og Íslands sem fram fer á morgun. Króatar tala um völlinn sem skömmina í Maksimir.
Þetta risastóra ferlíki var fyrst opnað 1912 og þrátt fyrir ýmsar endurbætur er það barn síns tíma.
Áhorfendur sitja langt frá vellinum og sjónarhornið frá mörgum sætum er ansi slæmt. Áður var hlaupabraut á vellinum en blátt gervigras hefur verið sett ofan á hana.
Maksimir völlurinn í Zagreb tekur 38 þúsund áhorfendur í sæti en ekki er reiknað með meira en 25 þúsund manns á völlinn á morgun.
Króatískir fótboltaáhugamenn eru langt frá því að vera stoltir af þessum leikvangi sem er heimavöllur Króatíumeistara Dinamo Zagreb.
Íslenska landsliðið æfði á vellinum í morgun og síðdegis verður æfing hjá króatíska liðinu.
Athugasemdir
