Fyrstu úrslit kvöldsins úr Lengjubikarnum voru að berast þar sem Haukar rúlluðu yfir KFG.

Garðbæingar tóku forystuna eftir korter en Arnór Pálmi Kristjánsson jafnaði tíu mínútum síðar. Skömmu þar á eftir áttu heimamenn ótrúlegan kafla þar sem þeir skoruðu þrjú á þremur mínútum.

Arnór Pálmi gerði sitt annað mark á meðan Aron Skúli Brynjarsson og Gísli Þröstur Kristjánsson skoruðu eitt hvor. Aron Skúli gerði sitt annað mark eftir leikhlé og var staðan þá orðin 5-1.

KFG klóraði aðeins í bakkann í síðari hálfleik og minnkaði muninn niður í tvö mörk en sigur Hauka var aldrei í hættu.

Haukar eru á toppi riðils 2 í B-deildinni með 8 stig eftir 4 umferðir. KFG er með 3 stig.