Það fóru þrír leikir fram í undankeppni Afríkuþjóða fyrir HM í dag, þar sem Geoffrey Kondogbia og félagar í Mið-Afríkulýðveldinu steinlágu á heimavelli gegn Madagaskar.
Mið-Afríkulýðveldið var á heimavelli og tók forystuna snemma leiks en Rayan Raveloson skoraði tvö mörk á fjögurra mínútna kafla til að snúa stöðunni við, eftir undirbúning frá Warren Caddy.
Arnaud Randrianantenaina og Lalaina Rafanomezantsoa bættu mörkum við í seinni hálfleik til að innsigla frábæran sigur Madagaskar, sem fer tímabundið á topp riðilsins með þessum sigri. Þessi fámenna eyja er komin með 10 stig eftir 5 umferðir í hörkuriðli sem inniheldur einnig öflug landslið frá Gana, Malí og Kómoreyjum.
Mið-Afríkulýðveldið er aðeins með fjögur stig eftir fimm umferðir þrátt fyrir að vera með sterkan leikmannahóp.
Kamerún gerði markalaust jafntefli við Eswatini og er á toppi síns riðils með 9 stig, á meðan Eswatini var að krækja í sitt fyrsta stig.
André Onana markvörður Manchester United varði mark Kamerún og þá voru Bryan Mbeumo og Carlos Baleba, leikmenn Brentford og Brighton, einnig í byrjunarliðinu.
Túnis vann að lokum á útivelli gegn Líberíu, 0-1. Hannibal Mejbri var í byrjunarliði Túnis sem er komið með 13 stig eftir 5 umferðir.
Mið-Afríkulýðveldið 1 - 4 Madagaskar
Eswatini 0 - 0 Kamerún
Líbería 0 - 1 Túnis
Athugasemdir
