Omer Riza rekinn frá Cardiff (Staðfest) - Ramsey stýrir liðinu út tímabilið

Riza var ráðinn inn í teymið hjá Cardiff síðasta sumar og var gerður að aðstoðarmanni Erol Bulut.

Cardiff batt enda á samstarf sitt við Bulut í september og var Riza gerður að bráðabirgðastjóra félagsins.

Eftir nokkur hagstæð úrslit ákvað Cardiff að halda Riza út tímabilið, en hann hefur nú verið látinn fara eftir að hafa aðeins náð í tvo sigra úr síðustu tíu leikjum.

Aaron Ramsey, leikmaður Cardiff, mun stýra liðinu út tímabilið, en hann mun þó líklega ekki spila í leikjunum vegna meiðsla.

Cardiff er í næst neðsta sæti ensku B-deildarinnar með 42 stig, aðeins stigi frá öruggu sæti. Liðið á tvo heimaleiki gegn Oxford og WBA áður en það klárar tímabilið gegn Norwich City á Carrow Road.

Cardiff City FC can confirm that Omer Riza has been relieved of his duties as First Team Manager.

Aaron Ramsey will lead the Club for the remaining three games of the Championship season, beginning with Monday’s match at home to Oxford United.#CityAsOne

— Cardiff City FC (@CardiffCityFC) April 19, 2025