Fótbolti.net

Adam Páls: Nú er farið að taka okkur alvarlega

Hemmi Hreiðars: Það var bara samningsatriði

Siggi Höskulds: Skoruðum löglegt mark

Óskar Hrafn: Meiri taugaspenna að hafa KR áhorfendur bak við sig

Jökull: Það er enginn ánægður í okkar klefa með frammistöðuna

Ólafur Ingi: Einhver narratíva þarna úti sem við erum ekki sammála

Danni Hafsteins: Ég vil spila alla leiki

Lárus Orri: Okkur vantar drápseðli

Sölvi Geir: Hann er búinn að sokka alla sem voru að gagnrýna hann

Amin Cosic hissa: Klobbaði einn og svo annan, bjóst svo við seinna gula þegar ég var rifinn niður

Jói Kalli ósáttur: Engin regla um hvað boltinn þarf að vera lengi í leik eftir að hagnaði er beitt

Þorri Stefán: Ég hef verið kallaður Joe Gomez Fram-liðsins

Rúnar Kristins: Við höfum fengið fyrirspurnir um Magnús

Davíð Helgi: Búinn að halda þessu fagni leyndu

Haraldur Freyr: Of langur tími til þess að 'suffera'

Enginn feluleikur hjá Hadda - „Ef þú ert ekki tilbúinn að leggja þig fram þá spilarðu ekki í KA“

Guðni Eiríks: Það er ekki tilfinningin sem ég fæ

Rúnar Páll: Við erum helvítis klaufar

Fyrsti leikurinn með Þór/KA síðan 2021 - „Þokkalega sanngjarnt"

Gunnar Heiðar: Við erum allir í 'revenge mode'

lau 19. júlí 2025 20:04

Jóhann Þór Hólmgrímsson

Haddi: Ánægður með stjórnina að bakka okkur upp

Mynd: Fótbolti.net - Hafliði Breiðfjörð

„Þetta er léttir," sagði Hallgrímur Jónasson, þjálfari KA, eftir sigur á ÍA í botnbaráttuslag í Bestu deildlinni í kvöld.

„Við vissum að þetta væri mikilvægur leikur, það er búið að vera smá þungt á töflunni í smá tíma. Við erum búnir að funda vel í vikunni og ræða málin og menn komu með virkilega gott hugarfar. Við skoruðum tvö góð mörk og hefðum getað skorað meira. Birnir gerir rosalega vel, setur varnarmann á rassinn og dauðafæri. Svo hefðum við getað fengið víti líka."

Lestu um leikinn: KA 2 - 0 ÍA

Haddi var ánægður með hugarfar leikmanna í dag.

„Menn voru særðir, mönnum þykir vænt um félagið og hvorn annan og við þurfum að leggja meira á okkur, og þegar við gerum það erum við hörku góðir, fyrir fólkið okkar, stjórina og fullt af sjálfboðaliðum sem eru að gera helling fyrir KA. Við ræddum þetta fyrir leik og mér fannst ég sjá það hér í dag."

Birnir Snær Ingason samdi við KA í gær og spilaði sinn fyrsta leik í dag en hann kom inn á eftir rúmlega klukkutíma leik.

„Birnir er frábær leikmaður, á frábærum aldri og á frábærum stað. Hann er að koma hingað til að sanna sig til að komast lengra, hann er ekki að koma hingað til að setjast að næstu tíu árin."

„Ég átti gott spjall við hann í morgun. Hann virðist vera með hausinn rétt skrúfaðan á og er tilbúinn að koma hingað og leggja mikið á sig. Hann hefur ekki verið að spila lengi og hefur ekki náð æfingu með okkur. Hann fékk tæpan hálftíma í dag og það er til að komast inn í hlutina svo kemst hann enn meira inn í taktíkina þegar líður á. Við vitum hvaða gæði hann er með, hann hefur sannað það í þessari deild, það er ekki langt síðan hann var besti leikmaður deildarinnar. Þetta er innspýting fyrir okkur, vel gert hjá stjórninni, búnir að bakka okkur upp og nú er okkar að halda áfram að gera vel," sagði Haddi að lokum.