Óskar Bragason, þjálfari Dalvíkur/Reynis, var svekktur eftir tapleikinn gegn Kórdrengjum á heimavelli í kvöld.
Kórdrengirnir byrjuðu leikinn betur og hefðu geta verið búnir að klára leikinn áður en Dalvík/Reynir minnkaði muninn á 81. mínútu. Eftir það mark hins vegar þá lágu heimamenn á gestunum og með smá heppni hefði Dalvík/Reynir geta jafnað leikinn.
Kórdrengirnir byrjuðu leikinn betur og hefðu geta verið búnir að klára leikinn áður en Dalvík/Reynir minnkaði muninn á 81. mínútu. Eftir það mark hins vegar þá lágu heimamenn á gestunum og með smá heppni hefði Dalvík/Reynir geta jafnað leikinn.
Lestu um leikinn: Dalvík/Reynir 1 - 2 Kórdrengir
„Same shit, different day. Ég held að það sé bara saga sumarsins í flestum leikjum sem við höfum spilað. Við byrjum illa, lentum undir, byrjum að elta og lendum oft í 50/50 sénsum á að ná að jafna en það er bara ekki að detta fyrir okkur," sagði Óskar.
Það var allt annað að sjá til liðsins í lokinn á leiknum og sagði Óskar að liðið hans hefði geta stolið stiginu í restina.
„Við hefðum geta stolið stiginu hérna í dag. Ég er búinn að segja við strákanna margoft að við eigum ekki að vera á þeim stað sem við erum, við botninn. Við erum búnir að spila við þessi lið og þetta hafa verið 50/50 leikir í hvert einasta skipti."
Óskar var spurður að því hvað þurfi að breytast hjá liðinu svo að það falli ekki um deild.
„Ég held að við þurfum bara að fara trúa því að við séum betri heldur en við erum, sérstaklega til að byrja með, það er mjög auðvelt að vera hugrakkur þegar þú ert kominn í skítinn, 2-0 undir eða eitthvað svoleiðis, sem við erum að lenda svolítið í. Þá vöknum við og komum sterkir til baka. Þessir strákar eru betri í fótbolta heldur en það að vera alltaf að lenda í þessu basli í byrjun."
Athugasemdir
