Fótbolti.net

HM Álitið: Hvað kemur mest á óvart?

HM Álitið: Hvaða frægi verður mest áberandi í stúkunni?

Albert: Þetta er auðvitað geitin í leiknum

Jón Dagur: Hann braut okkur alveg með fyrstu sendingunni

Orri: Hann byrjaði að skapa mikinn usla á milli línanna

Fyrsta landsliðsmarkið komið: „Það var bara ekkert annað hægt en að slútta þessu“

Glódís hreinskilin: Veit ekki hvernig þetta umspil virkar

Diljá Ýr: Ennþá með sama markmið

HM Álitið: Hvaða leikmaður springur út?

HM Álitið: Hverjir verða spútnik liðið?

„Kom mér lítið á óvart að hafa fengið þetta tækifæri“

HM Álitið: Hvaða lið vinnur mótið?

Munur á Spáni og Íslandi - „Gylfi Sig á miðjunni og einhver rafvirki í vinstri bakverði“

Tómas Bent fer yfir tímabilið í Skotlandi - „Ákveðin pyntingaraðferð“

HM Álitið: Hver verður efnilegastur?

Þekkir að spila yfir sumarið í Bandaríkjunum - „Held það sé enginn líkami sem geti vanist því"

„Ekki jafn frjálst og á Íslandi, sérstaklega ef maður var í KR“

HM Álitið: Hver verður bestur?

Kennie bestur í maí - „Lengsta frí sem Rúnar hefur gefið mér“

Hákon Arnar: Vona að Messi spili

mið 20. mars 2024 15:12

Sæbjörn Þór Þórbergsson Steinke
Búdapest

Rautt spjald gerði Arnóri Ingva erfiðara fyrir - „Hendi honum yfir mig og labba í burtu"

,,Þetta verkefni hefur verið það eina, alveg 100%"

'Ég lét vita af því að ég þyrfti að vera klár fyrir þetta verkefni'

Mynd: Jónína Guðbjörg Guðbjartsdóttir

'Ég er dreginn niður í skyndisókn, andstæðingurinn leggst ofan á mig og er að ýta mér niður með höndunum.'

Mynd: Fótbolti.net - Hafliði Breiðfjörð

„Leikurinn leggst mjög vel í mig, er spenntur og get ekki beðið eftir því að fara út á völl á morgun. Það er ekki neitt stress, get ekki beðið eftir því að fara út á völl og vinna," sagði Arnór Ingvi Traustason við Fótbolta.net á hóteli landsliðsins í dag.

Framundan er leikurinn gegn Ísrael þar sem sigurliðið tryggir sér sæti í úrslitaleik um sæti á EM í sumar.

„Við spiluðum við þá 2022, tvo leiki í Þjóðadeildinni. Við vitum að þeir eru agressífir, gæti bæði orðið opinn leikur og lokaður. Báðir leikirnir fóru 2-2 þannig þetta gæti boðið upp á einhverja markasúpu, en við þurfum að vera á tánum og fá sem fæst mörk á okkur."

Arnór er leikmaður Norrköping í Svíþjóð og deildin þar fer af stað á næstu vikum. Arnór hefur horft meira í landsliðið heldur en byrjunina á deildinni á sínu undirbúningstímabili.

„Þetta verkefni hefur verið það eina, alveg 100%. Ég lét vita af því að ég þyrfti að vera klár fyrir þetta verkefni. Við (Norrköping) erum búnir að fá leiki, en ég fæ rautt spjald í fyrsta leik sem gerði þetta aðeins erfiðara. Ég talaði við fólkið í kringum mig að landsliðsverkefnið væri það sem það þyrfti að koma mér í gang fyrir og mér finnst þeir hafa gert mjög vel. Mér líður mjög vel, bæði líkamlega og andlega - ég er í toppstandi."

Tveggja leikja bann í sænska bikarnum
Arnór fór í tveggja leikja bann í bikarnum fyrir að hafa fengið rautt spjald. Bannið kom honum á óvart.

„Mjög svo, þetta var fyrir ekki neitt. Við sendum kvörtun til baka en fengum engin svör og niðurstaðan tveir leikir. Ég er dreginn niður í skyndisókn, andstæðingurinn leggst ofan á mig og er að ýta mér niður með höndunum. Ég hendi honum yfir mig og labba í burtu. Dómarinn segir mér að bíða og gefur mér rautt spjald. Meira veit ég ekki."

Mikilvægt að ná stjórninni sem fyrst
Við hvernig leik býstu?

„Ég býst við opnum leik, það sem er gríðarlega mikilvægt fyrir okkur er að ná stjórninni sem fyrst og fá þetta undir okkur tempó og okkar leikstíl."

Arnór er með umbúðir á hægri hendinni en það er ekkert alvarlegt. „Það varð smá óhapp, en ég er góður."

Í viðtalinu, sem sjá má í spilaranum efst, ræðir Arnór nánar um Norrköping og sig sjálfan.