Fótbolti.net

Sesar var maður leiksins - „Get ekki lýst þessu"

Eggert Gunnþór: Á öðrum degi hefðum við getað skorað 5-6 mörk

Selfoss vann tvöfalt - „Getum ekki beðið um meira"

Bjarni unnið allt sem hægt er að vinna - „Vona að mér verði ekki hent núna"

„Vildi alltaf skíttapa seinasta æfingaleiknum fyrir mót"

Smá brotinn í fyrra - „Aðeins of mikið eins og þetta væri eini sénsinn"

Haraldur Freyr: Ekki í ljósi þess hve var búið að gefa fordæmi fyrir

Magnús Már: Sagði að hann væri að fara að koma með okkur hingað

Tóku til eftir vonbrigði í fyrra - „Helvíti gaman að fá að spila á þjóðarleikvanginum"

Byggja upp á heimamönnum fyrir austan - „Gæti bjargað sumrinu alveg"

Bjarni með fiðring í maganum - „Mikill aðdáandi þessarar keppni"

Sneri heim 20 árum síðar - „Það er vilji fyrir því af beggja hálfu"

Sterkastur í 23. umferð - Reyndi að kalla eitthvað á Kalla

Arnar Gunnlaugs: Mjög skrítið að fjölmiðlar tali ekki um þessi atvik

Heimir Guðjóns eftir 3-0 tap: Fyrirmyndar frammistaða

Dagur Fjeldsted: Þarf að taka hann í fyrsta og klíni honum í skeytin

„Ánægður með fyrstu tuttugu í fyrri hálfleik en hinar voru hræðilegar"

Finnst fyrirkomulagið sérstakt - „Gleymist að ræða þetta á veturna"

Davíð Ingvars: Við erum vanir að vera í titilbaráttu

Dóri Árna: Nokkrir mögulega rangir dómar

fim 20. júní 2024 21:44

Guðmundur Aðalsteinn Ásgeirsson
Breiðholti

Úlfur: Leikmenn nafngreindir og þeir kallaðir aumingjar og annað

Úlfur Arnar Jökulsson, þjálfari Fjölnis.

Mynd: Fótbolti.net - Hafliði Breiðfjörð

Fjölnir tapaði fyrsta deildarleiknum sínum í sumar í kvöld.

Mynd: Fótbolti.net - Hafliði Breiðfjörð

„Þetta var jafn leikur sem féll þeirra megin," sagði Úlfur Arnar Jökulsson, þjálfari Fjölnis, eftir 3-1 tap gegn ÍR í Lengjudeildinni í kvöld. Þetta var fyrsta tap Fjölnismanna í deildinni í sumar, það kom í áttundu umferð.

„Leikirnir í þessari deild eru erfiðir. Þetta snýst oft bara um það hvoru megin hlutirnir falla. Þetta féll þeirra megin því miður. Allir leikirnir í þessari deild eru eiginlega bara 1x2. Það gerði okkur ekki auðvelt fyrir að völlurinn var helvíti erfiður. Þegar vellirnir eru erfiðir þá er maður með forskot á heimavelli. Mér fannst við samt ná að gera margt vel en við náðum ekki upp okkar bestu frammistöðu. Ég velti fyrir mér hvort við höfum átt stig skilið en það er kannski frekja að segja að við höfum átt skilið að vinna."

Lestu um leikinn: ÍR 3 - 1 Fjölnir

Það voru læti á vellinum en Úlfur var spurður að því hvort hans menn hafi einfaldlega verið undir í baráttunni í kvöld.

„Nei, alls ekki. Ég hvet stuðningsmenn ÍR til að styðja liðið sitt frekar en að vera að kalla andstæðingana illum ljótum nöfnum. Starfsmenn ÍR fyrir ofan boðvangana líka sem eru að garga inn á ljót orð á okkar leikmenn. Styðjið bara liðið ykkar og látið andstæðinginn í friði. Þetta var baráttuleikur og maður fann á þeim að þeir voru tilbúnir í baráttuna. Þetta var hörkuleikur en mér fannst við ekki undir í baráttunni endilega."

„Maður heyrði að leikmenn voru nafngreindir og þeir kallaðir aumingjar og annað. Mér finnst það miður."

Þetta er fyrsta tap Fjölnismanna, er erfitt að sætta sig við fyrsta tapið?

„Lífið er aðeins betra eftir sigurleiki. Þetta snýst um að vinna næsta leik og vera með sigurtilfinningu í líkamanum. Til þess er maður í þessu, maður er háður sigurtilfinningunni. Ef maður nær henni ekki, þá vill maður ná henni næst. Við erum ekki vanir að tapa en það kemur fyrir öll lið. Við vorum ekki farnir að sjá fyrir okkur að vera Arsenal 2003/04, eitthvað 'invincibles' dæmi. Maður veit alveg að það er sjaldgæft að lið fari taplaus í gegnum tímabil. Sigur, tap eða jafntefli. Núna er það bara næsti leikur," sagði Úlfur en allt viðtalið má sjá hér að ofan.