Arnór Sigurðsson talaði um það í viðtali við Fótbolta.net á dögunum að hann vildi gera betur en á síðasta tímabili, hann vildi skora meira og leggja meira upp. Arnór skoraði sitt fyrsta mark fyrir CSKA Moskvu í rússnesku úrvalsdeildinni á þessu tímabili í dag.
Arnór skoraði seinna mark liðsins í 2-1 heimasigri gegn Orenburg. Hann kom CSKA í 2-0 áður en Orenburg minnkaði muninn.
Markið hjá Arnór var stórglæsilegt en það má sjá hérna að neðan í fréttinni.
Þessi tvítugi Íslendingur heldur áfram að gera frábæra hluti.
CSKA er komið þrjú stig í rússnesku úrvalsdeildinni eftir tap í 1. umferðinni. Arnór lék 87 mínútur í dag og spilaði Hörður Björgvin Magnússon allan leikinn í liði CSKA.
Fyrsta deildarmark Arnórs Sig á leiktíðinni. VÁ. 🔥 pic.twitter.com/Ult2eFOJr8
— Íslendingavaktin (@Islendingavakt) July 20, 2019
Athugasemdir