Fótbolti.net

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

Fótbolta nördinn - Draumaliðið vs KR

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

Jóladagatalið: Auðunn Blöndal og Gaui Þórðar í geitungavandræðum

Ísak bendir á augljóst vandamál: Erum ekki nógu góðir þar

Jóladagatalið: Allir á þjóðhátið, það er skylda hjá mér!

Æfingaleikur: Aron Kristófer skoraði frá miðju gegn Leikni

Jóladagatalið: Þið vitið aldrei neitt um okkur

„Láki tengdi okkur við góðan mann erlendis"

Ævintýraþjálfari Völsungs: Þegar þú ferðast um heiminn verður þú að taka ákvarðanir hratt

Ólafur Ingi: Heilt yfir stoltur en fannst við vera pínu klaufar

Margt í gangi í hausnum á Damir fyrir leikinn - „Spurðu þá sem stjórna klúbbnum“

Höskuldur: Þau eru ekkert verðugri en við að vera þarna

Anton Ari: Sannaði fyrir mér að við áttum alveg erindi hingað

mið 20. september 2023 15:24

Guðmundur Aðalsteinn Ásgeirsson

Glódís: Búinn að reyna að útskýra fyrir mér hvað þetta er í raun stórt

Glódís Perla Viggósdóttir.

Mynd: Jónína Guðbjörg Guðbjartsdóttir

Fyrirliði Bayern og íslenska landsliðsins.

Mynd: Fótbolti.net - Hafliði Breiðfjörð

„Ég er mjög spennt fyrir því að þetta sé að hefjast, að við séum að fara að spila keppnisleiki. Ég er mjög spennt fyrir föstudeginum," segir Glódís Perla Viggósdóttir, fyrirliði íslenska landsliðsins, í samtali við Fótbolta.net í dag.

Framundan eru fyrstu leikirnir í Þjóðadeildinni á móti Wales og Þýskalandi. Stelpurnar mæta Wales á heimavelli á föstudagskvöld.

„Ég bara veit að við þurfum að halda okkur í A-deild því það er mikilvægt fyrir næstu undankeppni. Við förum í hvern einasta leik til að vinna og byrjum það á föstudaginn."

Það hefur mikil reynsla farið úr hópnum á skömmum tíma. Hvernig hefur verið fyrir Glódísi sem reynslumesta leikmann liðsins að takast á við þetta verkefni?

„Maður finnur fyrir því að það vantar stóra karaktera og stór nöfn sem hafa verið hérna í mörg ár. En á sama tíma er verið að búa til pláss fyrir yngri leikmenn. Þær verða að taka ábyrgð og pláss. Ég hef fulla trú á því að við séum með leikmenn sem geta gert það. Vonandi gera þær það sem fyrst. Ég veit að það eru margar spenntar að fá tækifæri núna."

Glódís segir að það sé skemmtilegt að fá leik á heimavelli og hún býst við jöfnum leik gegn Wales.

Orðin fyrirliði í einu stærsta félagi heims
Þær risastóru fréttir bárust í síðustu viku að Glódís væri orðin fyrirliði Bayern München sem er stærsta félagið í Þýskalandi og eitt stærsta félag heims. Hvernig var að fá þær fréttir?

„Bara ótrúlega gaman. Ég er ótrúlega stolt að þau gefi mér þetta traust og þetta stóra hlutverk," segir Glódís sem framlengdi nýverið samning sinn við Bayern til 2026.

„Þetta var svolítið óvænt, ekki eitthvað sem ég bjóst endilega við. En samt sem áður gaman að þjálfarinn og félagið treysti mér fyrir þessu."

Er hún að gera sér grein fyrir því hversu stórt þetta?

„Ég veit það ekki. Kærastinn minn er búinn að reyna að útskýra það fyrir mér hvað þetta er í raun stórt. Fyrir mér er þetta bara fótbolti og ég geri mitt besta á öllum æfingum og í leikjum. Ég reyni að gera leikmennina í kringum mig betri."

Hægt er að sjá allt viðtalið í spilaranum hér fyrir ofan.