Kompany vill taka við Bayern - Isak og Brobbey efstir á blaði Arsenal - McKenna orðaður við Chelsea og Man Utd
banner
   sun 21. apríl 2024 13:06
Guðmundur Aðalsteinn Ásgeirsson
Jói Bjarna fótbrotinn og verður frá í þrjá mánuði
Var borinn af velli í gær.
Var borinn af velli í gær.
Mynd: Fótbolti.net - Hafliði Breiðfjörð
Jóhannes Kristinn Bjarnason, leikmaður KR, er fótbrotinn og verður frá næstu tólf vikurnar.

Þetta kemur fram í tilkynningu frá KR í dag en þar segir líka að leikmaðurinn fari í aðgerð í vikunni vegna meiðslanna.

„Góðan bata Jói - mótlæti er til að sigrast á," segir í tilkynningunni.

Jóhannes var borinn af velli í gær þegar KR tapaði 0-1 gegn Fram í Bestu deildinni. Fred var að pressa Jóa, eins og Jóhannes er oftast kallaður, á fyrstu mínútu seinni hálfleiks en steig að því er virtist óviljandi á KR-inginn. Jói reyndi að halda leik áfram en varð að fara af velli skömmu síðar.

Jóhannes er byrjunarliðsmaður í liði KR, hefur byrjað alla þrjá leiki liðsins.

Næsti leikur KR í Bestu deildinni er gegn Breiðabliki eftir viku.
Athugasemdir
banner
banner
banner