Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
Guðni Eiríks svekktur: Dómarinn hafði ekki þor til að flauta
Óli Kristjáns: Torsótt en sanngjarnt
Eiður Aron um gengi Vestra: Höfum verið eins og hjartalínurit
Nik Chamberlain: Fyrir utan eitthvað korter í seinni hálfleiknum þá stóðum við okkur vel
Arnar Freyr sleit líklegast hásin - „Ég plataði Beiti til að skipta í vor”
„Ég er sáttur við frammistöðuna en það þarf að skora“
Davíð Smári: Ég er hávær og ástríðufullur fyrir mínu starfi
Þór/KA þarf að fara í alvöru naflaskoðun - „Ekki mjög bjartsýnn á eitt né neitt akkúrat núna"
John Andrews um Bergþóru: Í skýjunum með að hún hafi valið okkur
Höskuldur: Bara að sparka eins fast og maður gat og það endaði vel
Dóri Árna: Við vorum betra liðið í 173 mínútur af þessu einvígi
Haraldur Freyr: Hann bað liðsfélaga sína afsökunar
Aron Snær: Að einhver blaðra sé sprungin er mjög þreytt
Óli Hrannar: Þurfum að byrja leikina betur ef við ætlum að komast eitthvað hærra í þessari töflu
Gunnar Heiðar: Það er skemmtilegra að fá græna punktinn
Árni Guðna: Þurfum að læra af því
Anton Ari: Hellidemban fyrir leik var náttúrulega bara snilld
Úlfur: Hann er það markagráðugur að hann er ekki að reyna fiska neitt
Rangur maður rekinn af velli: Dómararnir gátu ekki gefið nein skýr svör
Brynjar Kristmunds: Koðnuðum niður gegn ástríðufullu liði
   fös 21. júní 2024 15:36
Sæbjörn Þór Þórbergsson Steinke
Mætir uppeldisfélaginu í fyrsta sinn - „Líður fáránlega vel á Akureyri"
Lengjudeildin
Árni Elvar samdi við Þór í vetur.
Árni Elvar samdi við Þór í vetur.
Mynd: Fótbolti.net - Hafliði Breiðfjörð
Daði Bærings fyrirliði Leiknis.
Daði Bærings fyrirliði Leiknis.
Mynd: Fótbolti.net - Haukur Gunnarsson
Árni lék í átta tímabil með Leikni áður en hann söðlaði um.
Árni lék í átta tímabil með Leikni áður en hann söðlaði um.
Mynd: Jónína Guðbjörg Guðbjartsdóttir
Siggi Höskulds þjálfaði Árna hjá Leikni og er í dag þjálfari Þórs.
Siggi Höskulds þjálfaði Árna hjá Leikni og er í dag þjálfari Þórs.
Mynd: Fótbolti.net - Hafliði Breiðfjörð
Árni Elvar Árnason mun á morgun spila sinn fyrsta leik gegn Leikni á ferlinum. Hann er uppalinn hjá Leikni og hafði fyrir tímabilið í ár einungis leikið með Leikni og venslaliðinu KB fyrir utan hálft tímabil á láni með Vængjum Júpíters. Árni er 27 ára miðjumaður sem samdi við Þór í vetur. Þór tekur einmitt á móti Leikni í Lengjudeildinni á morgun.

Árni ræddi við Fótbolta.net eftir æfingu Þórsara í dag.

„Það hljómar frekar skrítið, ég er vanur að spila með Leikni, það verður eitthvað að spila á móti þeim. Ég held ég verði stressaður, með hnút í maganum þegar við löbbum inn á, en svo er þetta bara fótbolti. Það verður sérstaklega gaman að kljást við nokkra þarna, Daði (Bærings, fyrirliði Leiknis) mun láta mig heyra það og það verður bara gaman," segir Árni sem segir að Daði sé góður að tuða.

Akureyri var ekki fyrsti kostur
Hann lék sitt fyrsta heila tímabil með Leikni árið 2017 og lék 34 leiki með liðinu í efstu deild tímabilin 2021 og 2022. Af hverju fór hann frá Leikni í vetur?

„Mig langaði í breytingar. Leiknir er frábær klúbbur, verið þar allt mitt líf og á þeim allt að þakka. Ég endaði hér."

„Það var ekki fyrsti kostur að fara til Akureyrar, en það er frábær kostur eftir á að hyggja. Mér líður fáránlega vel hérna. Mér gekk illa að finna lið, fór líka dálítið seint í það. Ég bankaði upp á hjá Sigga (þjálfara Þórs), fékk að koma á æfingar og endaði hér. Ég fékk einn leik á móti KFA, það gekk fínt,"
sagði Árni sem samdi við Þór í kjölfarið.

„Mér líður fáránlega vel hérna, búum tveir saman í einhverri villu hérna rétt hjá. Svo er ég að vinna við að mála fyrir frábæra menn, þetta er bara geggjað."

„Nei, það er allt hérna. Það eina sem ég sakna er fjölskyldan og vinir, fólkið sem maður er vanalega mest í kringum."


Þurfa að hætta að gefa mörk og fara að skora
Leiknir er í neðsta sæti deildarinnar og Þór er í sætinu fyrir ofan.

„Við erum búnir að spila fína leiki, byrjunin var fín; fjögur stig eftir tvo leiki á móti fínum andstæðingum. Eftir það hefur broddurinn farið úr sóknarleiknum og við svo gert einstaklingsmistök. Við þurfum að hætta að gera þau og fara skora mörk. Þá eru okkur allir vegir færir."

Árni lék undir stjórn Sigga Höskulds hjá Leikni og þekkir því leikkerfið hans.

„Ég spilaði þetta kerfi helling, sérstaklega á undirbúningstímabilinu fyrir tímabilið 2022, mér finnst það mjög fínt. Ég hef ekki yfir neinu að kvarta."

Það er nokkuð mikil samkeppni á miðsvæðinu. Birkir Heimisson er lykilmaður í Þórsliðinu og var Árni spurður út í hann.

„Hann er með ágætis gæði og hefur sýnt það. Svo er Marc (Sörensen) og Aron Ingi (Magnússon). Þetta er bara sturlað."

Stærri klúbbur en Leiknir
Hefur eitthvað komið þér á óvart á Akureyri frá komu þinni?

„Í vetur sá ég að þetta er stærri klúbbur en Leiknir. Svo veit ég ekki með grasið, að vera með einn völl fyrir tvö lið (Þór og Þór/KA), það er ekki alveg nógu gott. En það á víst að koma gervigras hérna á næstu árum, það verður strax betra," segir Árni sem var svo spurður út í stöðu Leiknis í deildinni.

„Það er leiðinlegt að sjá þá neðsta í deildinni, en ekkert skrítið, maður hefur alveg verið þarna neðst áður," sagði Árni að lokum.

Leikurinn á morgun hefst klukkan 16:00 og fer fram á VÍS vellinum.
Lengjudeild karla
Lið L U J T Mörk mun Stig
1.    Fjölnir 13 9 3 1 27 - 13 +14 30
2.    Njarðvík 13 7 3 3 25 - 17 +8 24
3.    ÍBV 13 6 4 3 25 - 15 +10 22
4.    ÍR 13 5 4 4 19 - 18 +1 19
5.    Keflavík 13 4 6 3 17 - 14 +3 18
6.    Þór 12 4 5 3 21 - 18 +3 17
7.    Grindavík 13 4 5 4 21 - 24 -3 17
8.    Afturelding 13 5 2 6 20 - 26 -6 17
9.    Þróttur R. 12 4 3 5 20 - 18 +2 15
10.    Leiknir R. 13 4 0 9 15 - 23 -8 12
11.    Grótta 13 2 4 7 19 - 32 -13 10
12.    Dalvík/Reynir 13 1 5 7 12 - 23 -11 8
Athugasemdir
banner
banner
banner