| mán 21. september 2020 23:04 |
|
Arnar Gunnlaugs: Stig er stig
Arnar vildi meira úr leiknum.
„Stig er stig. Þetta var action leikur og HK voru virkilega flottir í kvöld. Bæði lið fengu færi í fyrri hálfleik en mér fannst við sterkari í þeim seinni. Þeir höfðu ekki alveg úthald í að halda tempói í 90 mínútur en við höfðum það og hefðum átt að klára þennan leik."
Lestu um leikinn: Víkingur R. 1 - 1 HK
Þegar að flautað var til hálfleiks var staðan markalaus, en bæði lið höfðu þá fengið nokkur færi til að skora. Víkingar voru svo hættulegri aðilinn í seinni hálfleik en lentu þó undir.
„Eins og ég segi þá voru HK flottir og gáfu okkur góðan leik. En auðvitað er ég mjög svekktur að taka ekki fleiri stig, sérstaklega því við vorum einum fleiri í korter. En inn vildi boltinn ekki."
Fyrir leik var tilkynnt að þetta yrði síðasti leikurinn hans Óttars Magnúsar Karlssonar, markahæsta leikmanns Víkings, en hann er á leið til Venezia á Ítalíu.
„Þetta eru blendnar tilfinningar. Í fyrsta lagi er ég ánægður fyrir hans hönd þar sem að hann á þetta svo sannarlega skilið. Svo er þetta gott fyrir mig sem þjálfara að fá að taka þátt í að koma ferlinum hans aftur í gang. En auðvitað segir það sig sjálft að það er ekki gott að missa aðalmarkaskorarann okkar en þá verða hinir leikmennirnir bara að stíga upp." sagði Arnar um Óttar Magnús.
Nánar er rætt við Arnar í spilaranum að ofan.
Athugasemdir
Nýjustu fréttirnar
