Sambandsdeildin: Hetjuleg frammistaða hjá Blikum
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
Maccabi Tel Aviv 3 - 2 Breiðablik
1-0 Yvann Macon ('11 )
2-0 Eran Zahavi ('25 )
3-0 Dan Biton ('32 )
3-1 Klæmint Andrasson Olsen ('44 )
3-2 Klæmint Andrasson Olsen ('55 )
Lestu um leikinn
Fyrsta leik Breiðabliks í riðlakeppni Sambandsdeildarinnar er lokið.
Blikar voru í vandræðum varnarlega í fyrri hálfleik en þeir gátu lítið gert þegar Yvann Macon kom heimamönnum í Maccabi Tel Aviv yfir með stórkostlegu marki.
Eran Zahavi bætti öðru markinu við áður en Dan Biton skoraði þriðja markið eftir vandræðagang í vörn Breiðabliks.
Klæmint Olsen var frábær í sókninni hjá Blikum en hann minnkaði muninn undir lok fyrri hálfleiks eftir frábæra sókn.
Hann bætti öðru marki við snemma í síðari hálfleik þegar hann skallaði boltann í netið eftir hornspyrnu frá Höskuldi Gunnlaugssyni.
Heimamenn voru með nokkra yfirburði eftir það en fleiri urðu mörkin ekki.
