„Tilfinningin er æðislegt. Þetta er ekki eitthvað sem ég hefði getað ímyndað mér fyrir mörgum árum," sagði Hallgrímur Mar Steingrímsson, leikmaður KA, við Fótbolta.net eftir sigur gegn Víkingi í úrslitaleik Mjólkurbikarsins.
Hallgrímur hefur verið leikmaður í 15 ár og þetta er fyrsti stóri titillinn sem félagið vinnur á þeim tíma.
Hallgrímur hefur verið leikmaður í 15 ár og þetta er fyrsti stóri titillinn sem félagið vinnur á þeim tíma.
Lestu um leikinn: KA 2 - 0 Víkingur R.
„Þetta er ógeðslega sætt. Ég hef verið hér í 15 ár og þetta er mjög sérstakt fyrir mig. Ég á ekki endilega mikið eftir af ferlinum og það er mjög sætt að ná þessu. Þessir stuðningsmenn, maður var gráti næst fyrir leik þegar þjóðsöngurinn var spilaður. Maður vildi gera þetta fyrir þau."
Hallgrímur Mar er svo sannarlega goðsögn hjá KA, mögulega besti leikmaður í sögu félagsins.
„Maður var eiginlega með gæsahúð í allan dag. Þegar stúkan var orðin full, þá var maður bara 'what the hell' (hvað í fjandanum)."
„Ég veit eiginlega ekki hvað ég á að segja, maður er enn að melta þetta. Við erum bara lið út á landi og ég kem bara frá litlum bæ, Húsavík. Maður er bara í einhverri geðshræringu," sagði Grímsi.
Allt viðtalið má sjá í spilaranum hér að ofan.
Zup? pic.twitter.com/6TklP0VAfs
— Hallgrímur Steingrímsson (@hallgrimurmar10) September 21, 2024
Athugasemdir