Magnús Gylfason.
Magnús Gylfason, þjálfari Vals, var sáttur með frammistöðu sinna manna í 1-1 jafntefli liðsins gegn Stjörnunni í kvöld.
,,Við þurftum að skipta aftur í fyrri hálfleik, lentum í því með Hauk um daginn og það auðvitað riðlar aðeins leiknum. Mér fannst við vera búnir að spila mjög vel fram að því og það kom smá hikst í okkur eftir að þeir skora. Svona heilt yfir fannst mér við spila góðan fótbolta í dag," sagði Magnús.
,,Við fengum einhver fjögur eða fimm dauðafæri. Ef við hefðum bara nýtt eitt í viðbót hefðum við unnið. Við hefðum mátt vera aðeins agressívari á síðasta fjórðungnum."
Hann telur engan vafa á því að samspil mikils álags og leikir á gervigrasi séu að valda meiðslum á leikmannahópi sínum. Daninn Patrick Pedersen fór meiddur af velli í kvöld og fór hann rakleiðis á sjúkrahús.
,,Enginn vafi á því. Núna eru við búnir að spila tvo grasleiki og komum svo á þetta og ég held að allavega fyrstu meiðslin séu afleiðing gervigrassins. Án þess að vera að kenna aðstæðum um þá er þetta búið að vera svolítið spes mót."
,,Þetta virðist vera mjög alvarlegt með Patrick og hann er kominn upp á spítala. Ég er að vonast til að hin eru smávægileg en maður veit aldrei."
Athugasemdir
