Spánn: Sevilla afgreiddi Valencia á hálftíma

Það var flugeldasýning í fyrri hálfleik í Sevilla þar sem Papu Gomez var búinn að skora eftir þrjár mínútur og tvöfölduðu heimamenn forystuna með sjálfsmarki á 15. mínútu.

Rafa Mir skoraði þriðja markið sjö mínútum síðar og var Hugo Duro búinn að minnka muninn skömmu síðar. Staðan því 3-1 eftir fjörugan fyrri hálfleik.

Heimamenn í Sevilla gerðu vel að standa seinni hálfleikinn af sér án þess að fá mark á sig og niðurstaðan 3-1 sigur.

Sevilla er í þriðja sæti eftir sigurinn, einu stigi fyrir ofan Valencia sem var að tapa öðrum leiknum í röð.

Sevilla 3 - 1 Valencia
1-0 Alejandro Gomez ('3)
2-0 Toni Lato ('15 ,sjálfsmark)
3-0 Rafa Mir ('22)
3-1 Hugo Duro ('31)

Í Barcelona var Raul de Tomas hetja heimamanna í 1-0 sigri. Raul kom knettinum tvisvar sinnum í netið í fyrri hálfleik en bæði skiptin ógilt mark vegna rangstöðu.

Þetta hafðist þó í þriðju tilraun og gerði Raul sigurmarkið á 54. mínútu leiksins.

Gífurlega mikilvæg stig fyrir Espanyol, fyrsti sigur liðsins á deildartímabilinu. Espanyol er með sex stig eftir sex umferðir á meðan Alaves situr eftir án stiga.

Espanyol 1 - 0 Alaves
1-0 Raul de Tomas ('54)