Julian Nagelsmann, þjálfari Bayern München í Þýskalandi, segir að enski framherjinn Harry Kane sé einfaldlega of dýr fyrir félagið.
Þýskir fjölmiðlar hafa greint frá því að Bayern hafi verið í sambandi við föruneyti Kane síðustu vikur og að félagið sé að íhuga það að gera Tottenham tilboð á næsta ári. Kane gerði sex ára samning við Tottenham fyrir tveimur árum.
Bayern telur það nánast ómögulegt að fá hann í sumar en hugmyndin var að fá hann inn fyrir Robert Lewandowski sem gekk í raðir Barcelona á dögunum fyrir 50 milljónir evra.
Nagelsmann segir að Kane sé alltof dýr fyrir Bayern eins og staðan er núna en vildi ekki útiloka það að fá hann í framtíðinni.
„Vandamálið er að hann er rosalega dýr. Hann gæti skorað mikið af mörkum í Bundesligunni," sagði Nagelsmann.
„Ég veit ekki hvað hann kostar en þetta gæti orðið rosalega erfitt fyrir Bayern. Sjáum til hvað gerist í framtíðinni," sagði Nagelsmann í lokin.
Athugasemdir