Alfons skoraði sigurmark Birmingham
Lúkas Petersson, markvörður Hoffenheim og U21 árs landsliðsins, byrjaði í marki þýska liðsins sem vann 4-0 sigur á FC Homburg í æfingaleik í dag.
Markvörðurinn er að fá tækifærið með Hoffenheim á undirbúningstímabilinu og staðið sína plikt vel.
Hann spilaði allan leikinn með Hoffenheim í dag og hélt hreinu í sigrinum.
Hoffenheim á fjóra æfingaleiki eftir á undirbúningstímabilinu áður en alvaran hefst en fyrsti keppnisleikur liðsins á nýju tímabili verður bikarleikur gegn Hansa Rostock þann 16. ágúst.
Alfons Sampsted skoraði sigurmark Birmingham í 1-0 sigrinum á Solihull Moors. Hann fékk boltann utarlega í teignum og hamraði hann á lofti í hægra hornið. Laglegt mark hjá Blikanum.
Willum Þór Willumsson var ekki með Birmingham í þessum leik en það vantaði marga lykilmenn í liðið og hefur stjórinn aðeins verið að dreifa álaginu í leikjunum.
Guðlaugur Victor Pálsson spilaði fyrri hálfleikinn er Plymouth rústaði Torquay, 6-0, á útivelli. Þetta var næst síðasti æfingaleikur Plymouth á undirbúningstímabilinu.
Plymouth mætir næst Bristol City eftir þrjá daga áður en það hefur leik í C-deildinni.
1.0 Sampsted , Hansson assist
— ????????Gergz???????? (@Gergz1875) July 23, 2025
#bcfc pic.twitter.com/xK9guXU7zu
Athugasemdir
