Daði Bergsson, sem uppalinn er hjá Þrótti, hefur fengið félagaskipti í SR og getur því leikið með liðinu gegn Hamri í C-deild Lengjubikarnum í kvöld.
Daði var leikmaður Kórdrengja í Lengjudeildinni í fyrra en er nú kominn í B-riðil 5. deildar.
Daði var leikmaður Kórdrengja í Lengjudeildinni í fyrra en er nú kominn í B-riðil 5. deildar.
Hann er 28 ára gamall og lék á sínum tíma 29 leiki fyrir yngri landsliðin. Hann lék með Val og Leikni í efstu deild á sínum tíma en hefur leikið í næst efstu deild frá og með árinu 2017.
Hann var einn af örfáum sem var samningsbundinn Kórdrengjum eftir síðasta tímabil. Kórdrengir verða ekki með í sumar, fengu ekki keppnisleyfi, og Daði er kominn í annað lið.
Eins og fjöldinn af leikjum fyrir yngri landsliðin gefur til kynna var Daði mjög efnilegur á sínum tíma og var hann í eitt og hálft ár á mála hjá NEC Nijmegen í Hollandi. Hann fór þangað eftir tímabilið 2012 á Íslandi og sneri til baka um mitt sumarið 2014.
Athugasemdir
