Skoska stórveldið Rangers er búið að staðfesta að félagið er í viðræðum við bandarískan fjárfestahóp um sölu á félaginu.
San Francisco 49ers, sem spilar amerískan fótbolta í NFL deildinni, er meðal fjárfesta í hópnum sem vill kaupa Rangers.
Tilvonandi kaupendur vilja eignast meirihluta félagsins og er markmiðið að ljúka við kaup á félaginu í júní.
Rangers vann skosku deildina síðast 2021 og tapaði úrslitaleik Evrópudeildarinnar ári síðar.
Liðið siglir lygnan sjó undir lok skoska úrvalsdeildartímabilsins, í öðru sæti deildarinnar fimmtán stigum á eftir Celtic.
Athugasemdir
