Aðrir í banni í Bestu deildinni
Í leiknum gegn Fram fékk sóknarmaðurinn Tobias Thomsen í Breiðabliki sitt fjórða gula spjald á tímabilinu og hann er því kominn í bann sem hann tekur út gegn Stjörnunni.

Aðrir í Bestu deildinni sem verða í banni í næstu umferð vegna uppsafnaðra áminninga:

Ívar Örn Árnason verður í banni hjá KA þegar liðið fær Val í heimsókn á föstudag. Kristinn Freyr Sigurðsson hjá Val verður í banni hjá Val í þeim leik.

Böðvar Böðvarsson og Tómas Orri Róbertsson verða í banni hjá FH þegar liðið á leik gegn KR á sunnudag.

Haraldur Einar Ásgrímsson verður í banni hjá Fram þegar liðið mætir ÍBV á sunnudag.

Marko Vardic verður banni þegar ÍA heimsækir Vestra á sunnudag.

Í banni í næstu umferð í Lengjudeildinni:
Amin Cosic, Joao Ananias og Tómas Bjarki Jónsson leikmenn Njarðvíkur verða í banni í grannaslag gegn Keflavík á fimmtudaginn. Nacho Heras leikmaður Keflavíkur verður í banni í þeim leik en hann fékk tveggja leikja bann eftir sitt annað rauða spjald.

Árni Steinn Sigursteinsson leikmaður Fjölnis verður í banni gegn Þór á fimmtudaginn. Sigfús Fannar Gunnarsson verður í banni hjá Þór í þeim leik.

Haukur Leifur Eiríksson verður í banni þegar HK heimsækir Þrótt á föstudaginn.

Aron Lucas Vokes verður í banni þegar Selfoss fær Leikni í heimsókn á föstudaginn.

Í banni í bikarnum:
Örvar Logi Örvarsson tekur út leikbann hjá Stjörnunni gegn Val í undanúrslitum bikarsins en leikið verður eftir viku.