Stjarnan er með þrettán stig eftir fimm leiki og er með flest stig að meðaltali í deildinni. Valur og KR eru efst með sextán stig en Stjarann á þrjá og tvo leiki inni á þessu lið.

Það vakti athygli í haust þegar Rúnar Páll Sigmundsson, þjálfari Stjörnunnar, ákvað að fá Ólaf Jóhannesson með sér til að þjálfa liðið.

„Samstarf þeirra fær 9 í einkunn. Utan frá þá hélt maður að þetta væri harmleikur eða lestarslys í uppsiglingu frekar en svona ótrúlega góður árangur. Við eigum eftir að sjá þetta þegar verður smá mótmæli, hvernig hlutirnir ganga þá," sagði Ingólfur Sigurðsson.

Hilmar Árni Halldórsson hefur verið minna áberandi hjá Stjörnunni en oft áður en það hefur ekki komið að sök.

„Stjarnan er búið að vinna alla fótboltaleikina og það er varla minnst á Hilmar Árna. Hann hefur skorað úr einni aukaspyrnu en annars er það ekkert meira," sagði Tómas Þór Þórðarson.

Hér að neðan má hlusta á Innkastið en þar var nánar rætt um Stjörnuliðið, Alex Þór Hauksson fyrirliða liðsins og leikinn í gær.