Þetta eru tvö lið sem eru að hellast úr lestinni í titilbaráttunni og ekki hjálpa úrslitin í leiknum þeim í þeirri baráttu.

Því leikurinn endaði með 1-1 jafntefli. Edin Dzeko kom Inter yfir á 17. mínútu og var staðan 0-1 þegar flautað var til hálfleiks. Þetta var hörkuleikur og tókst Juventus að jafna þegar lítið var eftir; Paulo Dybala gerði markið úr vítaspyrnu.

Þetta stig gerir ekki mikið fyrir bæði þessi lið; Inter er í þriðja sæti með 18 stig og Juventus er í sjötta sæti með 15 stig.

Mourinho og Spalletti fengu rautt
Það var einnig áhugaverður slagur í deildinni þegar Roma fékk Napoli í heimsókn.

Þar sáu báðir þjálfarar, Jose Mourinho og Luciano Spalletti, rautt spjald fyrir hegðun sína gagnvart dómaranum. Það var líklega það líflegasta við leikinn því hann endaði markalaus.

Napoli er á toppnum með jafnmörg stig og AC Milan, sem er í öðru sæti. Roma er í fjórða sæti með 16 stig.

Annars staðar gerði Atalanta jafntefli við Udinese á heimavelli, þar sem gestirnir jöfnuðu í uppbótartíma; Fiorentina vann sannfærandi sigur á Cagliari og sömu sögu er að segja af Hellas Verona gegn Lazio.

Atalanta 1 - 1 Udinese
1-0 Ruslan Malinovskiy ('56 )
1-1 Beto ('90 )

Fiorentina 3 - 0 Cagliari
1-0 Cristiano Biraghi ('21 , víti)
2-0 Nicolas Gonzalez ('42 )
3-0 Dusan Vlahovic ('49 )

Verona 4 - 1 Lazio
1-0 Giovanni Simeone ('30 )
2-0 Giovanni Simeone ('36 )
2-1 Ciro Immobile ('46 )
3-1 Giovanni Simeone ('62 )
4-1 Giovanni Simeone ('90 )

Inter 1 - 1 Juventus
1-0 Edin Dzeko ('17 )
1-1 Paulo Dybala ('89 , víti)

Roma 0 - 0 Napoli