Sheffield United tapaði 1-0 gegn West Ham um helgina og er á botninum með einungis með eitt stig eftir níu umferðir.

„Þeir eru með eitt stig eftir níu leiki. Þetta er lið sem er í ruglinu, Þeir fá ekki eitt gult spjald í leiknum. Það sýnir að það er enginn tilbúinn að vera nálægt leikmönnum. Það er enginn tilbúinn að taka tæklingar til að stoppa flæðið," sagði Hjálmar Örn Jóhannsson í hlaðvarpsþættinum „Enski boltinn" á Fótbolta.net í gær.

„Þetta var kraftaverka ár í fyrra en nú eru allir búnir að læra inn á þá og vita nákvæmlega hvað þeir ætla að gera og hvernig þeir ætla að verjast. Þetta lítur hræðilega út," sagði Ingimar Helgi Finnsson.

Hér að neðan má hlusta á þátt gærdagsins. Það eru White Fox, Viking gylltur (léttöl) og Domino's sem bjóða upp á þáttinn.