Fyrrum fótboltamaðurinn Gabby Agbonlahor var ekki hrifinn af innkomu úkraínska leikmannsins Mykhailo Mudryk í úrslitaleik enska deildabikarsins í kvöld.
Mudryk kom inn af bekknum undir lok síðari hálfleiks en náði ekki alveg að finna sig í leiknum.
Hann var settur á nærstöng í hornspyrnunni og eina hlutverk hans var að koma boltanum frá ef hann kæmi á nærsvæðið, en tókst ekki ætlunarverk sitt því Virgil van Dijk mætti og stangaði boltanum í netið.
Chelsea keypti Mudryk fyrir 89 milljónir punda frá Shakhtar í byrjun síðasta árs, en hann hefur aðeins gert þrjú mörk úr 34 leikjum sínum með Chelsea.
„Ég myndi ekki treysta Mudryk fyrir því að láta renna í bað fyrir mig,“ sagði Agbonlahor á X í dag og voru margir stuðningsmenn sammála honum.
Athugasemdir