Andri í leik með ÍA árið 2011.
Stjórn ÍA hefur sent frá sér stutta yfirlýsingu í kjölfar fjölmiðlaumfjöllunar tengdum Andra Júlíussyni.
Andri sem er fyrrum leikmaður ÍA var að þjálfa hjá yngri flokkum en skrifaði færslu á samfélagsmiðla þar sem hann fór yfir viðskilnað sinn við félagið.
Þar segir Andri að sér hafi verið „kastað eins og hverri annarri kúkableyju“ frá félaginu eftir að sér urðu á mistök. Hann segir að upp hafi komið atvik á æfingu 5. flokks þar sem drengur meiddi annan og hann hafi óvart átt þátt í því. Hann útskýrir það ekki nánar.
Andri sem er fyrrum leikmaður ÍA var að þjálfa hjá yngri flokkum en skrifaði færslu á samfélagsmiðla þar sem hann fór yfir viðskilnað sinn við félagið.
Þar segir Andri að sér hafi verið „kastað eins og hverri annarri kúkableyju“ frá félaginu eftir að sér urðu á mistök. Hann segir að upp hafi komið atvik á æfingu 5. flokks þar sem drengur meiddi annan og hann hafi óvart átt þátt í því. Hann útskýrir það ekki nánar.
„Knattspyrnufélag ÍA vill árétta að allar frásagnir hafi fleiri en eina hlið. Félagið starfar almennt í samræmi við siðareglur og hegðunarviðmið Íþróttabandalags Akraness og Íþrótta- og Ólympíusambands Íslands. Knattspyrnufélag ÍA lítur svo á að málinu sé lokið og mun félagið ekki tjá sig frekar um það," segir í stuttu svari frá ÍA sem formaðurinn Eggert Herbertsson sendi út.
Eggert Herbertsson, formaður ÍA.
