Solskjær ræðir um ungt lið, árangur og vitnar í Churchill

Ole Gunnar Solskjær, stjóri United, var í ítarlegu viðtali við Sky Sports fyrir leikinn á morgun sem birt var í dag. Byrjunarlið Solskjær í undanförnum leikjum er það yngsta í deildinni og vill Ole að liðið sitt unga læri sögu félagsins og hvað fyrrum leikmenn þess hafa gert.

„Fyrrum leikmenn liðsins hafa spilað marga mikilvæga leiki, bikarúrslitaleiki, leik til að vinna deildina, leik þar sem Meistaradeildarsæti er undir... Ég man þegar við sigruðum Charlton árið 2006. Við þurftum sigur til að komast í 2. sætið. Giuseppe Rossi kom úr unglingaliðinu og spilaði frábærlega. Aðrir framherjar voru meiddir."

Solskjær vitnar í sögu United og ræðir árangur félagsins á fyrri árum. Hann vitnar í Sir Winston Churchill, forsætisráðherra Bretlands á tímum seinni heimsstyrjaldarinnar.

„Velgengni felst í því að fatast fram á við frá einum óförum til annarra án þess að missa eldmóðinn," sagði Solskjær og bætir við: „Það er það sem við viljum kenna þessu liði, að halda áfram."

United tapaði gegn Chelsea í bikarundanúrslitum um síðustu viku og gerði jafntefli við West Ham á miðvikudag.