Þeir Ari og Arnór eru í byrjunarliðinu og Andri Lucas, sem kom frá Real Madrid fyrir helgi, er á bekknum.

Á bekknum hjá Gautaborg er svo Adam Ingi Benediktsson. Adam Ingi var varmarkvörður U21 landsliðsins í júní. Arnór og Andri léku með A-landsliðinu en Ari hefur lagt landsliðsskóna á hilluna.

Leikurinn er liður í fimmtándu umferð deildarinnar og skilja fimm stig liðin að. Gautaborg er með 21 stig í 8. sæti og Norrköping er með sextán stig í 11. sæti.

Fleiri Íslendingar í eldlínunni
Þessir fjórir eru ekki einu Íslendingarnir sem eru í eldlínunni í dag. Tveir aðrir Íslendingar verða einnig í eldlínunni í Svíþjóð. Oskar Sverrisson er í byrjunarliði Varbergs sem mætir Hammarby og Böðvar Böðvarsson er í byrjunarliði Trelleborg sem mætir Skovde í 1. deildinni.

Í Þýslalandi er Kolbeinn Birgir Finnsson í byrjunarliði varaliðs Dortmund sem mætir Wehen í fyrstu umferð 3. Bundesliga.

Í Danmörku er Aron Sigurðarson í byrjunarliði Horsens sem mætir Lyngby. Freyr Alexandersson er þjálfari Lyngby og Sævar Atli Magnússon er leikmaður liðsins og byrjar á bekknum í dag.

Loks eru þrír Íslendingar í eldlínunni með liði Sogndal í Noregi í leik sem hófst klukkan 16:00. Það eru þeir Jónatan Ingi Jónsson, Valdimar Þór Ingimundarson og Hörður Ingi Gunnarsson. Sogndal leiðir 2-0 gegn Stabæk í hálfleik. Jónatan lagði upp fyrra markið og Hörður skoraði seinna markið.