Calafiori er staddur í Bandaríkjunum þessa stundina alveg eins og Arsenal liðið sem er þar í æfingaferð. Varnarmaðurinn fer í læknisskoðun í Bandaríkjunum og mun ganga til liðs við Arsenal í æfingaferðinni.

Þessi 22 ára gamli varnarmaður gerir fimm ára samning við Arsenal eftir að hafa verið lykilmaður í liði Bologna á síðustu leiktíð og einn af bestu leikmönnum ítalska landsliðsins á EM.

Calafiori er miðvörður að upplagi en getur einnig spilað sem vinstri bakvörður. Hann verður líklegast notaður mest sem bakvörður hjá Arsenal, þar sem hann mun berjast við Jakub Kiwior og Oleksandr Zinchenko um sæti í byrjunarliðinu.