Varbergs lagði Gautaborg að velli á heimavelli í sænsku Allsvenskan í kvöld.

Kolbeinn Sigþórsson var í byrjunarliðinu og spilaði fyrstu 83 mínúturnar hjá Gautaborg en hann hafði fyrir leikinn í dag skorað tvö mörk í tveimur leikjum og þrjú í síðustu fjórum. Gautaborg hafði unnið síðustu tvo leiki sína í deildinni.

Varbergs komst yfir snemma leiks með marki frá Oliver Alfonsi og Ryan Moon innsiglaði sigurinn með marki úr vítaspyrnu á 78. mínútu.

Gautaborg er í 8. sæti deildarinnar með fimmtán stig eftir tólf leiki. Varbergs fór með sigrinum upp úr fallsæti, upp í 13. sætið og er með tólf stig.