Fótbolti.net

Pablo Punyed sáttur: Vona að ég sjálfur geti spilað minna og minna í sumar

Gaui Lýðs um uppganginn á Ásvöllum: Setjum stefnuna á að komast í efstu deild

Nemanja Pjevic: Þegar maður bíður eftir strætó koma þeir allt í einu þrír í einu

Hrafn Guðmunds: Ég þarf að halda þessu áfram

Davíð Smári: Höfum verið með óþægilega líkamstjáningu

Svekktur Nenad: Tek þetta á mig

Magnús Már súr: Það var samt ekki það sem fór með okkur í dag

Gunnari Heiðari fannst ekkert eðlilega gaman að horfa á HK liðið

Glódís: Þetta eru hræðilegar reglur

Stórt fyrir Söndru Maríu - „Hún elskar að vera hérna"

„Var að reka á eftir hlutum sem hún á ekkert að vera að reka á eftir“

Thelma eftir fyrsta landsliðsmarkið: Ég er smá fúl samt

Talar um „ógeðslegan leik" - Þarf betri ramma um nýju reglurnar

Sara ræðir heimkomuna - „Var í Lyon þegar Dóri spyr mig fyrst hvort ég sé að koma heim“

Sævar Atli ræðir brottrekstur Freys - „Fengum ekki að kveðja hann“

Erfitt að finna betri stað til að búa á en skoðar sína möguleika

Glódís afhjúpar hver stal senunni í nýliðavígslunni

Steini: Hennar að sýna að hún sé klár í að leysa þetta

„Ótrúlegt en satt að þetta nákvæmlega hafi komið upp"

Óvissa eftir geggjaðan tíma - „Tíu skref á milli okkar“

þri 26. september 2023 20:36

Guðmundur Aðalsteinn Ásgeirsson

Ingibjörg: Selma byrjar bara á því að kjöta Popp

Ingibjörg með boltann í leiknum í kvöld

Mynd: Fótbolti.net - Jónína Guðjörg Guðbjartsdóttir

Selma kjötaði Popp.

Mynd: Fótbolti.net - Jónína Guðjörg Guðbjartsdóttir

Ingibjörg Sigurðardóttir varnarmaður Íslands átti líkt og liðsfélagar sínir langt og erfitt kvöld í Bochum í Þýskalandi þar Ísland beið lægri hlut 4-0 gegn Þýskalandi í 2,umferð A-deildar Þjóðardeildarinnar í kvöld. Hvernig er tilfinningin eftir leik?

26.09.2023 18:23

Þungt tap gegn Þjóðverjum

Lestu um leikinn: Þýskaland 4 - 0 Ísland

„Það er ekkert svo góð tilfinning að tapa en við töpuðum bara á móti betra liði hérna í dag. Þær voru bara drullugóðar.“

Lið Þýskalands var vel stutt í stúkunni og var stemmingin góð þeirra megin á vellinum. Eitthvað sem mögulega hjálpaði Þýska liðinu en talsvert hefur verið rætt um krísu innan þeirra herbúða eftir lélegt gengi á HM í sumar og tap gegn Danmörku á dögunum.

„Það hefur hundrað prósent gefið þeim orku en mér finnst við samt hafa skapað góða stemmingu innan liðsins og vorum að peppa hvor aðra upp allan leikinn. Ég held að það sé eitt sem við getum tekið út úr leiknum að það er góður andi í liðinu.“

Framherjar Þjóðverja eru sannarlega úr efstu hillu og gerðu varnarmönnum Íslands oft á tíðum lífið leitt í kvöld. Hvernig var að eiga við þær?

„Þetta eru heimsklassa leikmenn og má ekki gefa þeim neitt pláss. Við gerðum alveg ágætlega en ef maður gefur þeim smá pláss þá kemur mark og við fundum fyrir því.“

Ingibjörg fékk að líta gula spjaldið fyrir að stympingar við einn af téðum framherum þegar hún ýtti við Alexöndru Popp. Hvað gerðist þar?

„Selma byrjar bara á því að kjöta Popp sem verður pirruð og ýtir henni frá sér og þá ýti ég í hana til baka. Mér fannst ég nú bara gera það sama og Popp gerði. Þetta var kannski heimskulegt hjá mér en þetta er týpískt þegar maður spilar á móti stórstjörnum og maður verður alltaf undir hjá dómararnum með svona stórstjörnur.“

Sagði Ingibjörg og bætti síðan við um hvort íslenska liðið hefði mátt sýna meiri hörku.

„Mér fannst þarna aðeins áður að við værum að leyfa þeim að vera of harðar við okkur og við værum ekki alveg að matcha þær. Ég var líka aðeins að hugsa að það kæmi smá "statement útfrá því en svo kemur gult spjald. “
.
Allt viðtalið við Ingibjörgu má sjá i spilaranum hér að ofan