Íslendingalið Burnley vann frábæran útisigur á Aston Villa í ensku úrvalsdeildinni í kvöld.
Aston Villa var sterkari aðilinn í leiknum og komst tvisvar yfir; í 1-0 og 2-1. Jack Grealish kom Villa í 2-1 á 68. mínútu en svo umturnaðist á leikurinn á skömmum tíma.
Dwight McNeil jafnaði metin á 76. mínútu og Chris Wood skoraði síðan sigurmarkið á 79. mínútu.
Það vakti athygli á meðan leiknum stóð að Twitter-reikningur Aston Villa skaut á leikstíl Burnley, sem eru þekktir fyrir að vera skipulagðir og harðir í horn að taka.
„Við erum á Turf Moor (heimavelli Burnley), þannig að augljóslega lenti sóknarmaður okkar í hræðilegri tæklingu. Tarkowski fer í svörtu bókina," var skrifað á Twitter-reikning Burnley.
Villa hefur núna eytt tístinu en skjáskot má sjá hér að neðan.
— football images that precede unfortunate events (@CursedFootball) January 27, 2021
Athugasemdir