Spánn: Jafnt í fallbaráttuslag

Botnliði Huesca mistókst að komast úr fallsæti á Spáni í dag er liðið mætti Eibar í sex stiga leik í hádeginu.

Huesca var fyrir leikinn á botninum með 21 stig en Eibar með stigi meira og í öruggu sæti eða í því 17. Pakkinn þar í kring er afar þéttur og ljóst að baráttan um að halda sér uppi verður hörð.

Sandro Ramirez, fyrrum framherji Everton, skoraði fyrsta mark leiksins en hann kom Huesca yfir þegar níu mínútur voru eftir.

Það mark reyndist þó ekki nóg en tveimur mínútum seinna tryggði Pape Diop liði Eibar mikilvægt stig og lokastaðan, 1-1.