Ísak kom til Norrköping frá ÍA síðastliðinn vetur og hann hefur verið fljótur að læra sænskuna. Eftir leikinn í gær fór hann í viðtal á sænsku hjá heimasíðu Norrköping.

„Það hefur verið markmið mitt að spila með aðalliði Norrköping og þetta er draumur," sagði Ísak í viðtalinu.

„Það var ótrúlega gaman að fá að spila með Alexander Fransson og öllum hinum leikmönnunum. Þetta var mjög gaman."

Ísak var beðinn um að lýsa sínum helstu kostum sem leikmaður. „Ég er góður í að spila með öðrum leikmönnum. Ég er með góðan vinstri fót og ég get hlaupið mikið," sagði Ísak.

Hér að neðan má horfa á viðtalið í heild sinni.