Ný viðmiðunardagsetning kemur í næstu viku
Enski boltinn fer ekki af stað í apríl vegna kórónuveirufaraldursins sem herjar á England og aðrar þjóðir heimsins þessa dagana.
Enska úrvalsdeildartímabilinu var fyrst frestað til 3. apríl og síðan til 30. apríl. Í næstu viku verður önnur frestun staðfest þegar stjórn úrvalsdeildarinnar mun funda með stjórn neðri deildanna.
Félög í neðri deildum enska boltans hafa öll fengið bréf um að enginn fótbolti verður spilaður í apríl. Sama mun líklega gilda um úrvalsdeildarfélög.
Búið er að aflýsa tímabilinu fyrir allar utandeildir Englands við litla hrifningu aðildarfélaga.
Athugasemdir