Fótbolti.net

Alex Þór: „Steven Caulker? - Þetta hefur skautað framhjá manni"

Stjarnan aðeins 26% með boltann - „Að einhverju leyti óborguð yfirvinna"

„Sorglegt að fá á sig fjögur mörk gegn Stjörnuliði sem spilaði ekki betur en raun bar vitni"

Túfa: Að mínu mati besti leikmaður deildarinnar

Sverrir Páll: Við getum stigið upp og skorað mörkin

Láki fann fyrir létti: Vicente breytti leiknum

Magnús Már: Fullt af dómum sem sérfræðingar mega skoða

Bjarni Aðalsteins: Ég hef aldrei spilað svona leik áður

Rúnar Kristins: 12 mínútur í uppbótartíma ég hef aldrei upplifað það áður

Heimir Guðjóns ósáttur með vinnuframlagið

Alli Jói: Úrslitin eftir 90 mínútur ljót

Haddi: Samdi við Rúnar Kristins

Sigurvin Ólafs: Sóknin er sjóðandi heit

Ómar Björn heppinn að fá ekki rautt: Þarf maður ekki lukku í þessu?

Viktor Jóns: Æðislegt að upplifa þetta og finna þetta aftur

Dóri Árna: Sjá það allir sem eru á vellinum nema fjórir menn

Sölvi: Vorum til í slagsmál og með yfirhöndina í návígjum

Davíð Smári: Komust upp með að væla og liggja í grasinu

„Bara frábært" að vera komin aftur í landsliðið

Tilbúin í nýja áskorun - „Verðið bara að bíða eins spennt og ég"

mið 28. maí 2025 22:05

Sverrir Örn Einarsson

Pétur Rögnvalds: Orðið það mikið af færum að ég hélt að þetta myndi ekki detta

Pétur Rögnvaldsson þjálfari HK

Mynd: HK

HK jafnaði ÍBV að stigum á topp Lengjudeildarinnar í kvöld með 1-0 sigri á Keflavík suður með sjó en Eyjaliðið heldur toppsætinu á markatölu. Pétur Rögnvaldsson þjálfari HK var til viðtals við Fótbolta.net að leik loknum sagði um leikinn.

Lestu um leikinn: Keflavík 0 - 1 HK

„Í seinni hálfleik fengum við þó nokkuð mikið af færum og ég held að Loma (McNeese) hafi einu sinni skotið boltanum í slánna inní markinu sem var ótrúlegt augnablik. Keflavík átti svo sín færi í fyrri og seinni hálfleik en karakter og sterkt að ná inn þessu marki.“

Lið HK fór illa með mörg dauðafæri í leiknum í dag, bæði skaut Loma McNeese í þverslá af afar stuttu færi og þá varði Annar Arnarsdóttir margoft frá framherjum HK í stöðunni ein gegn einni í leiknum. Var Pétur farinn að efast að markið kæmi?

„Já, þetta var orðið það mikið af færum að ég hélt að þetta myndi ekki detta. Svo kemur Valgerður upp kantinn og inn á teiginn og setur boltann yfir hana. Ég held að þetta hafi verið svona tuttugasta besta staðan á vellinum sem við fengum til að skora mark.“

Sagði Pétur sem fór svo fögrum orðum um Önnu markvörð Keflavíkur.

„Hún varði nokkrum sinnum alveg fáránlega vel. Át okkur í einn gegn einum stöðum allavega þrisvar fjórum sinnum og hún á bara mikið hrós skilið þessi efnilega markmaður.“

Líkt og áður segir er HK að jafna ÍBV að stigum á toppi deildarinnar en liðinu var fyrir mót spáð um miðja deild. Er liðið að spila yfir eigin væntingum?

„Nei við erum ekki að því. En þetta er leikur fimm af átján. Þannig að við erum bara að halda áfram að safna stigum í pokann góða og skoðum það seinna í sumar hvaða baráttu við verðum í.“

Undir lok leiks þurfti Emilía Lind Atladóttir að yfirgefa völlinn vegna meiðsla en hún hafði verið afar spræk í leiknum. Emilía var borinn af velli og um hennar ástand sagði Pétur.

„Hún fer bara í sjúkrabíl á börum héðan í burtu og var með meðvitund. Mér skildist á mínum konum sem að fóru að hugsa um sína konu að hún hafi verið komin til meðvitundar en verið rugluð.“

Sagði Pétur en allt viðtalið við hann má sjá hér að ofan