Patrick er markahæstur í deildinni með sjö mörk skoruð.
Skoglund er mættur aftur.
Afturelding hefur fengið tíu stig í sumar, öll á heimavelli.
Valur heimsækir Aftureldingu á morgun í níundu umferð Bestu deildarinnar. Valsmenn koma inn í leikinn eftir öruggan sigur á ÍBV í síðasta leik.
Fótbolti.net ræddi við Srdjan Tufegdzic, Túfa, þjálfara Vals í dag. Hann var fyrst spurður út í stöðuna á leikmannahópnum.
Fótbolti.net ræddi við Srdjan Tufegdzic, Túfa, þjálfara Vals í dag. Hann var fyrst spurður út í stöðuna á leikmannahópnum.
„Þetta er upp og niður, Marius Lundemo meiddist á móti Breiðabliki, er ekki klár á morgun ég á von á því að hann verði klár á mánudaginn. Ömmi (Ögmundur Kristinsson) og Hörður (Ingi Gunnarsson) eru búnir að vera lengi frá og Tómas Bent (Magnússon) fékk smá höfuðhögg á æfingu fyrir rúmri viku. Tómas er á batavegi og ég reikna með honum eftir landsliðspásuna."
„Það jákvæða er að Kiddi (Kritinn Freyr SIgurðsson) er kominn til baka, var í hóp í síðasta leik og kom inn á. Albin Skoglund, sem hefur ekki spilað síðan í 2. umferð, er svo búinn að æfa á fullu og er klár í slaginn," segir Túfa.
Það hefur verið slúðrað um að Patrick Pedersen sé eitthvað tæpur vegna meiðsla. Ég sé að hann fór út af í síðasta leik, hvernig er staðan á honum?
„Hann er 100%. Við vorum í góðri stöðu í síðasta leik, vildum taka hann út og gefa Birki Jakob (Jónssyni) mínútur."
Verða ná upp betri stemningu en Afturelding
Hvernig heldur Túfa að leikurinn á morgun verði, gegn liði sem hefur verið mjög öflugt á heimavelli?
„Ég tel að til þess að ná í úrslit verðum við að ná upp betri stemningu en þeir. Í útileikjum þarftu að búa til sömu stemningu og þú nærð heima, byrjar innan liðsins í klefanum og heldur áfram með vinnusemi úti á vellinum."
„Það er full virðing á Aftureldingu, hef farið á tvo leiki með þeim í Mosfellsbæ og það er alvöru verkefni að fara þangað og vinna þá."
Er eitthvað sérstakt sem þarf að stoppa í liði Aftureldingar?
„Þeir eru með ákveðnar færslur í sóknarleiknum, leita mikið á Hrannar (Snæ Magnússon) sem er búinn að vera mjög flottur í sumar og Elmar (Kára Enesson Cogic) sem hefur verið mjög flottur eftir meiðslin í vetur. (Benjamin) Stokke kemur svo sem púslið sem þá akkúrat vantaði."
„Við verðum að vera vel á tánum, þeir eru líka góðir í föstum leikatriðum, hættulegir þar. Afturelding spilar með miklu hjarta og nær mikilli stemningu á heimavelli. En það eru líka veikleikar sem við þurfum að nýta, en fyrst þarf að jafna þá í stemningu og vinnusemi - grunnatriðunum," segir Túfa.
Leikurinn á morgun hefst klukkan 16:15.
Fimmtudagur - Níunda umferð Bestu deildarinnar
14:00 Vestri-Víkingur R. (Kerecisvöllurinn)
16:15 Afturelding-Valur (Malbikstöðin að Varmá)
16:15 ÍBV-FH (Þórsvöllur Vey)
16:15 Fram-KA (Lambhagavöllurinn)
16:15 Breiðablik-ÍA (Kópavogsvöllur)
19:15 Stjarnan-KR (Samsungvöllurinn)
Fréttin hefur verið uppfærð
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 9 | 6 | 2 | 1 | 18 - 8 | +10 | 20 |
| 2. Vestri | 9 | 5 | 1 | 3 | 11 - 5 | +6 | 16 |
| 3. Breiðablik | 9 | 5 | 1 | 3 | 14 - 15 | -1 | 16 |
| 4. Valur | 9 | 4 | 3 | 2 | 20 - 12 | +8 | 15 |
| 5. Stjarnan | 9 | 4 | 1 | 4 | 16 - 17 | -1 | 13 |
| 6. Fram | 9 | 4 | 0 | 5 | 15 - 15 | 0 | 12 |
| 7. ÍBV | 9 | 3 | 2 | 4 | 9 - 15 | -6 | 11 |
| 8. KA | 9 | 3 | 2 | 4 | 9 - 16 | -7 | 11 |
| 9. KR | 9 | 2 | 4 | 3 | 26 - 22 | +4 | 10 |
| 10. FH | 9 | 3 | 1 | 5 | 15 - 14 | +1 | 10 |
| 11. Afturelding | 9 | 3 | 1 | 5 | 8 - 13 | -5 | 10 |
| 12. ÍA | 9 | 3 | 0 | 6 | 12 - 21 | -9 | 9 |
Athugasemdir
