Hákon Arnar Haraldsson.
Landsliðsmaðurinn Hákon Arnar Haraldsson hefur verið gagnrýndur fyrir byrjun sína með franska félaginu Lille á tímabilinu.
Hákon var keyptur til Lille frá FC Kaupmannahöfn fyrir allt að 17 milljónir evra í sumar. Hann var stórkostlegur á undirbúningstímabilinu en hefur átt erfitt uppdráttar eftir að franska úrvalsdeildinni fór af stað.
Hann var mikið gagnrýndur fyrir frammistöðu sína í 1-2 tapi gegn Reims á dögunum en Paulo Fonseca, þjálfari Lille, hefur komið Skagamanninum unga til varnar.
„Hákon er ungur maður með mikla hæfileika. Hann þarf tíma að aðlagast okkar deild og okkar leikstíl. En það er enginn vafi á því að hann er með mikla hæfileika," segir Fonseca.
Hákon, sem er tvítugur að aldri, hefur spilað níu keppnisleiki með Lille og er með eina stoðsendingu í þeim leikjum.
Athugasemdir
