Alls voru þrettán mörk skoruðu í leikjunum tveimur og skemmtunin mikil fyrir hinn almenna fótbolta aðdáanda.

Í Sinsheim mættust Hoffenheim og Werder Bremen. Heimamenn í Hoffenheim náðu þriggja marka forystu á fyrstu tólf mínútum leiksins og flestir á því þarna stefndi í slátrun.

Marius Bulter skoraði tvö á þremur mínútum áður en Adam Hlozek gerði þriðja markið. Vendipunktur leiksins var átta mínútum síðar er Stanley Nsoki, varnarmaður Hoffenheim, fékk að líta rauða spjaldið.

Bremen tók við sér á 21. mínútu. Julian Malatini minnkaði muninn áður en danski sóknarmaðurinn Jens Stage tók leikinn í sínar hendur.

Stage skoraði annað mark Bremen á 26. mínútu, jafnaði leikinn á 39. mínútu og gerði síðan sigurmarkið þegar aðeins fjórar mínútur voru liðnar af þeim síðari.

Mögnuð endurkoma Bremen sem kom sér í 10. sæti deildarinnar með 8 stig en Hoffenheim með aðeins 3 stig í 16. sæti.

Eintracht Frankfurt vann nýliða Holsten Kiel, 4-2, í Kiel. Omar Marmoush skoraði tvívegis fyrir Frankfurt, en það var Shuto Machino sem hélt Holsten inn í leiknum með því að jafna í tvígang.

Marmoush og Tuto kláruðu leikinn fyrir Frankfurt á síðasta hálftímanum og komu Frankfurt upp í annað sætið með 12 stig en Holsten á botninum með 1 stig.

Hoffenheim 3 - 4 Werder
1-0 Marius Bulter ('5 )
2-0 Marius Bulter ('8 )
3-0 Adam Hlozek ('12 )
3-1 Julian Malatini ('21 )
3-2 Jens Stage ('26 )
3-3 Jens Stage ('39 )
3-4 Jens Stage ('49 )
Rautt spjald: Stanley Nsoki, Hoffenheim ('18)

Holstein Kiel 2 - 4 Eintracht Frankfurt
0-1 Omar Marmoush ('25 )
1-1 Shuto Machino ('31 , víti)
1-2 Igor Matanovic ('47 )
2-2 Shuto Machino ('50 )
2-3 Omar Marmoush ('65 )
2-4 Tuta ('74 )