„Hvað ertu að hugsa? Hvað varð um almenna skynsemi. Það hjálpar ekki þegar ensk fótboltastjarna og fyrirmynd brýtur reglur. Skammastu þín!" segir Morgan.

Harry Redknapp, fyrrum stjóri Tottenham, spjallaði við Morgan í þættinum og segir að Grealish þurfi að taka afleiðingum gjörða sinna.

„Ég hef verið hans helsti aðdáandi. Ég hef alltaf verið að tala fyrir því að hann sé valinn í enska landsliðið. En þetta er rosalega heimskulegt. Ég trúi ekki að hann hafi gert þetta, það þarf að refsa honum," segir Redknapp.

Grealish hafði sjálfur birt myndband af samfélagsmiðlum á laugardaginn þar sem hann sagði fólki að virða útgöngubannið og vera heima. Það var áður en hann skellti sér sjálfur í gleðskap.