Liðin mættust í undanúrslitum Evrópudeildarinnar og var staðan 1-2 fyrir Roma í leikhlé. Rauðu djöflarnir voru mun betri og nýttu færin sín í síðari hálfleik og verðskulduðu sigurinn.

Dzeko fór í sögubækurnar þar sem hann er eini leikmaðurinn til að hafa skorað gegn Man Utd á Old Trafford á þremur mismunandi áratugum.

Ekki nóg með það, heldur skoraði Dzeko mörkin í þremur mismunandi keppnum með félögum frá þremur mismunandi löndum. Nokkuð magnað.

Dzeko er 35 ára gamall og skoraði fyrst með Wolfsburg í Meistaradeildinni 2009, svo með Manchester City í ensku úrvalsdeildinni og núna var komið að Roma í Evrópudeildinni.