Kári stefnir upp
Kári er með sjö stiga forystu á toppi 3. deildar karla eftir 2-0 sigur liðsins á Hvíta riddaranum í kvöld. Víðir missteig sig á meðan í titilbaráttunni með því að gera 1-1 jafntefli við Vængi Júpiters.
Leikurinn fór fram á Malbikstöðinni að Varmá í Mosfellsbæ og voru það gestirnir sem komust í forystu á 7. mínútu er Guðjón Breki Guðmundsson setti boltann í eigið net.
Kristján Hjörvar Sigurkarlsson sigldi sigrinum í höfn með öðru marki Kára á 81. mínútu og þar við sat.
Kári er með 36 stig á toppnum, sjö stigum á undan Víði sem fór illa að ráði sínu í kvöld.
Víðir gerði 1-1 jafntefli við Vængi Júpiters er liðin mættust í Garði. David Toro Jimenez skoraði fyrir heimamenn á 4. mínútu leiksins en það var Rafael Máni Þrastarason sem náði í stigið fyrir Vængina. Tólfta mark hans í deildinni og er hann markahæstur, einu á undan Markúsi Máni Jónssyni, leikmanni Víðis.
Víðir er í öðru sæti með 29 stig, Vængir í 10. sæti með 14 stig og Hvíti riddarinn á botninum með 11 stig.
Úrslit og markaskorarar:
Víðir 1 - 1 Vængir Júpiters
1-0 David Toro Jimenez ('4 )
1-1 Rafael Máni Þrastarson ('34 )
Hvíti riddarinn 0 - 2 Kári
0-1 Guðjón Breki Guðmundsson ('7 , Sjálfsmark)
0-2 Kristján Hjörvar Sigurkarlsson ('81 )
3. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Kári | 21 | 14 | 5 | 2 | 62 - 22 | +40 | 47 |
| 2. Víðir | 21 | 13 | 5 | 3 | 53 - 24 | +29 | 44 |
| 3. Árbær | 21 | 13 | 3 | 5 | 44 - 31 | +13 | 42 |
| 4. Augnablik | 21 | 12 | 3 | 6 | 45 - 29 | +16 | 39 |
| 5. Magni | 21 | 8 | 6 | 7 | 27 - 37 | -10 | 30 |
| 6. ÍH | 21 | 7 | 4 | 10 | 61 - 60 | +1 | 25 |
| 7. Sindri | 21 | 7 | 3 | 11 | 36 - 42 | -6 | 24 |
| 8. Hvíti riddarinn | 21 | 7 | 2 | 12 | 38 - 45 | -7 | 23 |
| 9. Elliði | 21 | 7 | 2 | 12 | 32 - 52 | -20 | 23 |
| 10. KV | 21 | 7 | 1 | 13 | 34 - 50 | -16 | 22 |
| 11. KFK | 21 | 7 | 1 | 13 | 36 - 59 | -23 | 22 |
| 12. Vængir Júpiters | 21 | 5 | 3 | 13 | 36 - 53 | -17 | 18 |
Athugasemdir
