Fótbolti.net

Kennie: Líður eins og ég sé 25 ára

Ólafur Ingi: Þurfum að vinna í andlega þættinum

Rúnar Kristins: Búnir að vinna í þessu í tvö og hálft ár

Svekktur fyrirliði Vals: Vorum ekki nógu góðar til að verðskulda sigur

Lárus Orri: Þá ertu annaðhvort í fallbaráttu eða í baráttu um Evrópusæti

Jói Kalli: Auðvitað er þetta á minni ábyrgð

Böddi: Hjálpaði til að FH var í einhverjum nýjum lit af búning

Skoraði sigurmarkið og grínaðist með samherjann - „Rósey hendir einhverju góðu á hana“

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

fös 30. ágúst 2019 21:05

Hafliði Breiðfjörð

Gyrðir: Rugl að ég hafi skorað með tippinu

Gyrðir skoraði í sigri Leiknis í dag. Mjöðmin eða lærið segir hann, ekki tippið.

Mynd: Fótbolti.net - Hafliði Breiðfjörð

„Það var mjög gott að klára Haukana 2-0 í dag. Við vorum miklu betri en þeir í fyrri hálfleik en þeir lágu svolítið á okkur í seinni hálfleik. Þetta var solid sigur og mikilvægt að halda hreinu," sagði Gyrðir Hrafn Guðbrandsson miðvörður Leiknis eftir 2 - 0 heimasigur á Haukum í Inkasso-deildinni í kvöld.

Sjáðu viðtalið í sjónvarpinu að ofan

Lestu um leikinn: Leiknir R. 2 - 0 Haukar

„Í seinni hálfleik vorum við bara að verja markið okkar. Við vildum ekki fá á okkur mark og leyfa þeim að komast inn í leikinn svo við héldum okkur aðeins aftar. Við hefðum átt að halda boltanum meira en gerðum það ekki. Þeir settu pressu og lokuðu á allt svo við vörðum markið og negldum fram."

Gyrðir kom Leikni yfir snemma leiks í kjölfar hornspyrnu. „Það var mjög gott að skora mark. Ég var líka mjög ánægður með að halda hreinu."

Markið skoraði Gyrðir í mittishæð eftir hornspyrnu. Í stúkunni var það rætt að hann hafi verið að skora sitt annað mark í sumar með tippinu. Hann var ekki sammála því.

„Nei nei, þetta var mjöðmin eða lærið," sagði Gyrðir og sprakk úr hlátri. „Það er eitthvað rugl. Ég var bara að reyna að koma boltanum yfir línuna."

Leiknir er eftir sigurinn í kvöld í 4. sæti deildarinnar með jafnmörg stig og Þór og þremur stigum frá Gróttu sem er í 2. sætinu. Þeir eiga enn von á að komast upp en þá þurfa hlutirnir að falla með þeim.

„Við erum í 4. sæti eins og er og stefnum á að fara upp. Við erum ánægðir með það sem komið er og ætlum að vinna allt sem eftir er."