En síðan við töpuðum fyrir þeim sælla minninga hér 3-0 þá erum við bara búnir að tapa á móti Lech Poznan og Malmö á útivelli - í framlengingu í Poznan og einum færri allan seinni hálfleikinn gegn Malmö. Ég vil meina að síðustu 2-3 mánuði höfum við verið jafnvel sterkari en Blikar - að minnsta kosti á pari hvað varðar styrkleika og gæði. Þetta verður bara 'epic' leikur á milli tveggja bestu liða Íslands."

Mjög fáir titlar miðað við stærð og getu klúbbsins
Leikurinn fer fram á flóðlýstum gervigrasvelli - Kópavogsvelli - sem er heimavöllur Breiðabliks.

„Þetta er bara algjör draumur í dós. Það er líka svo mikið undir, fyrir okkur að vinna leikinn þá erum við að brjóta ansi mörg hjörtu í Kópavoginum. Mögulega myndi það hafa áhrif líka inn í úrslitakeppnina. Ef þeir myndu vinna leikinn þá myndi það gefa þeim þvílíka innspýtingu í að loksins koma nær því að landa stórum titli. Ef við tölum íslensku þá hafa titlarnir verið mjög fáir miðað við stærð klúbbsins og getu. Það er rosalega mikið undir í leiknum á morgun og ég held að það muni skína í ljós frá fyrstu tæklingu."

Í viðtalinu tjáði Arnar sig einnig um stöðuna á leikmannahópnum sínum og umræðuna um boltasækjara Breiðabliks eftir síðasta leik liðanna.

50:50 leikur þótt Blikar séu á heimavelli
Fótbolti.net ræddi einnig við Kára Árnason í gær. Kári er yfirmaður fótboltamála hjá Víkingi og var hann spurður út í baráttuna við Blika - bæði í bikar og í deild.

„Blikar eru með gott forskot, eru með hörkulið. Við sjáum bara til. Bikarleikurinn er bara 50:50 leikur þótt þeir séu á heimavelli. Við þurfum að eiga betri frammistöðu en í fyrri hálfleik gegn þeim í síðasta leik en við teljum okkur vera alveg jafngott lið - ef ekki betra. Í deildinni erum við meira að horfa á Evrópusæti eins og staðan er, en það er nóg af stigum í pottinum þannig það getur allt gerst," sagði Kári.