,,Það er erfiður tími hjá okkur. Það heur gengið illa að sigra leiki og það hefur áhrif á menn," sagði Gunnlaugur Jónsson þjálfari KA eftir 3-0 tap gegn Selfyssingum í kvöld.
,,Ég var tiltölulega ánægður með byrjunina á leiknum. Þrátt fyrir að við höfum ekki verið að skapa okkur mikið þá var þetta framför síðan í síðasta leik. Það var dálítið mikið svekkelsi að fá á okkur mark undir lok fyrri hálfleiks og strax í byrjun síðari hálfleiks. Það fer með þennan baráttuaanda sem var til staðar í fyrri hálfleik."
Andrés Vilhjálmsson var borinn meiddur af velli undir lok leiksins en Gunnlaugur vonast til að meiðslin séu ekki alvarleg.
,,Ég vona að þetta sé minna en á horfiðst. Þetta leit ekkert sérstaklega vel út en það verður að koma í ljós næstu daga hvernig það er, þetta eru einhver hnémeiðsli."
Hér að ofan má sjá viðtalið í heild sinni.
