Leiknir náði á ótrúlegan hátt að bjarga sæti sínu í 1. deild karla í dag með því að vinna 4-1 á meisturum ÍA á heimavelli sínum í Breiðholti.
HK hafði á sama tíma unnið 1-0 sigur á Gróttu en Seltirningarnir hefðu aðeins þurft stig til að bjarga sér í dag.
Í þakklætisskyni sendu Leiknismenn gjöf til HK manna í Kópavoginn.
Bjarni Björnsson formaður meistaraflokksráðs Leiknis brunaði nefnilega beint í Kópavoginn eftir leik með 10 kassa af bjór til HK manna sem fyrir voru sjálfir fallnir.
